URNIETA 1 40–18 OIARPE
Trinketea. Aurrelariaren sasoia eta sakearekin eta atzelariaren segurtasunarekin erraz irabazi zuten partida. Urnietako pilotariek hiru denboraldi daramatzate espezialitate honetan eta jada txapelketa bat lortu dute. Urnietar kadeteek Euskal Herrikoan parte hartuko dute gipuzkoar, bizkaitar, arabar eta nafarren aurka. Irudian Gipuzkoako Txapelketako garaileak trinketean, Garin eta Loitegi. Alboan, Txema Gonzalez UKEko pilota arduraduna. Zorionak!

Eli Gutierrezekin batera senior bigarren mailan finala jokatu zuten eta erraz irabazi zuten aurkari zuten bikotea: 30-14. Joko ederra eta nagusitasuna erakutsi zuen Hernaniko taldearekin jokatzen duen bikoteak. Zorionak Miren!

Bi mila lasterkarik parte hartu zuten aurreko igandean Donostiako 21. Lilatoian, azken urteetako marka guztiak hautsiz. Espaloietan ere jendetza bildu zen korrikalariak animatzeko asmoz.

Aurreko martxoaren 5ean, Urnietako Udalbatzak herriko atez ateko zabor bilketaren inguruko batzorde bilera izan zuen goizean goiz.  EAJk, mozioa sartu zuen zaborraren kudeaketari dagokionean, 5. edukiontziaren aldeko apustua egiten duela adieraziz. Eguerdian prentsaurrekoa eskaini zuen EAJ alderdiak Udal Areto Nagusian. Atez ateko bilketa sistemaren kontra argudiatuaz, Maribel Vaquerok “bildutako hondakinen kalitateari dagokionez, emaitzak oso antzekoak dira bietan” adierazi zuen.

Ostegunetik larunbatera ipuin kontalariak eta beste hainbeste artista Itzalagunean
eta Asvinenean bilduko dira.

Martxoaren 8an, arratsaldean,  “El planetario Viajero” planetarium ibiltari eta mugikorra inauguratu zen. La Caixa Fundazioak bultzatu eta eginiko egitasmo honekin herritarrek izarrak gertuagotik ezagutzeko aukera izango dute. Lekaio Kultur Etxeko areto nagusian puztu dute haizezko planetariunma. Inauguraziora, Mikel Izagirre Urnietako alkatea, La Caixa Fundazioko Oscar Gomez ordezkaria eta  Egape nahiz Presentación de Maria ikastetxeetako arduradunak bertaratu ziren.

VII. BERRIA Txapelketa azken txanpan sartzen ari da, eta aurreko asteburuko partiden ondoren dagoeneko ezagunak dira lehen finalerdia jokatuko duten taldeak: Andoaingo Gazteleku eta Galdakaoko Adiskidekoa.

Lizarkolako kanala industriarekin zerikusia zuen zereginetarako eraiki zuten, zehazki Leitzaran ibaitik Celulosas de Andoain fabrikaraino ura eraman zezan. Aspaldi utzi zion erabilera hori izateari. Galbidean zegoen, ezkutuan. Orain berreskuratzeari ekingo zaio, herrigunearen eta Leitzaran haranaren lotune bilakatzeko. Lehen lanak hasi dituzte eta aurten bigarren faseari ere ekingo zaio.

Iragan ostegun eta ostiralean, Villabona-Zizurkilgo Jesusen Bihotza ikastolako LH 2. mailako ikasleak Pasaiako Piraten etxean izan ziren. Ostegunean, iritsi bezain laster, motxilak eta lo zakuak bertan utzi ondoren etxea eta bere inguruak ezagutu zituzten. Arratsaldean, itsasontziz ibili ziren Pasaiako badian zehar. Hurrengo egunean, "Altxorraren bila" jolasa egin zuten. Primeran pasa zuten denek eta poz-pozik itzuli ziren Piraten etxetik.